गजल-अब प्रीतका कुरा गरौँ -चमेली थापा

गजल

कति गर्नु कुरा विछोडको, अब प्रीतका कुरा गरौँ

कति गर्नु कुरा हारको, अब जितका कुरा गरौँ

कति कठोर निर्दयी हुन्छ, मान्छेको मन 

मन शीतल  हुन, अब शीतका कुरा गरौँ

कति विगत सम्झिँदै ,रूँदै मात्रै बस्नु 

सुन्दर यादहरुले सजिएका अतितका कुरा गरौँ 

कति सुन्नु गाइने दाईको ,मुटु रेट्ने सारङ्गी 

आउ  बसौँ चौतारीमा, अब संगीतका  कुरा गरौँ

रगतको भन्दा मनको नाता, प्यारो हुन्छ रे 

शत्रुको होइन, अब मितका कुरा गरौँ !!

                                                                                                        -चमेली थापा